وقت التحضير : 10 دقائق
وقت الطهي : 20 دقيقة
الوقت الكلى : 30 دقيقة
عدد الاشخاص 4
الادوات المستخدمه
حلة
معلقة
طبق مسطح
المقادير
2 x معلقة كبيرة زيت زيتون
2 x عدد صدور دجاج مخلية (مقطعة مكعبات صغيرة)
2 x رشة فلفل اسود مطحون
2 x عدد فص ثوم مهروس
1 x معلقة صغيرة زعتر
1 x معلقة صغيرة ريحان
1 x كيلو مشروم (مقطع)
1 x كوب كريمة لبّاني
1 x معلقة كبيرة زبدة
1 x معلقة كبيرة زيت ذرة
1 x عدد بصلة (مقطعة قطع صغيرة)
1 x معلقة صغيرة ملح (أو حسب الرغبة)
الخطوات
- فى بولة هنضيف قطع الدجاج وهنتبلها بزيت الزيتون والفلفل والزعتر والريحان وهنسيب الدجاج فى التتبيلة على الأقل 6 ساعات والأفضل يبات فى التتبيلة قبل الطبخ بليلة.
- فى حلة على النار هنسيح الزبدة ونضيف شوية زيت ونقلب فيهم قطع الدجاج لحد ما تتحمر شوية وهنرفعها من على النار وتترك جانبا.
- في حلة أخرى هنسخن القليل من الزيت وهنقلب فيه البصل والثوم لحد ما يدبلوا وبعدين هنضيف المشروم ونقلب لمدة 5 دقائق.
- هنضيف قطع الدجاج للمشروم ونستمر فى التقليب قليلا.
- هنضيف الكريمة والملح و رشة فلفل ونقلب كويس ونسيبهم على النار حوالى 10 دقائق أو لحد ما الدجاج يستوى.
- يقدم الطبق ساخناً مع السلطة والأرز.. بالهنا والشفا.